Крызыс дайшоў да беларускага рынку працы. Пацьвярджаюць гэта кадравыя агенцтвы ў размове з газэтай «Комсомольская правда в Беларуси». Першымі пацярпелі банкаўскі сэктар, будаўнічыя кампаніі, фірмы, якія гандлююць складаным тэхналягічным абсталяваньнем.

У беларускіх прадстаўніцтвах шматлікіх расейскіх і ўкраінскіх кампаніяў супрацоўнікам прапануюць сысьці ў адпачынак за свой кошт на пару месяцаў. Акрамя гэтага шматлікія кампаніі, каб не звальняць пэрсаналу, пераходзяць на скарочаны працоўны тыдзень.
Крызыс на рынку працы выкарыстоўваюць працадаўцы, зьніжаючы зарплату для новых працаўнікоў.